ബജറ്റ് 2016

പിണറായി വിജയന്റെ നേതൃത്വത്തിലുള്ള എല്‍.ഡി.എഫ്. സര്‍ക്കാരിന്റെ ആദ്യ ബജറ്റ് രാവിലെ ധനമന്ത്രി തോമസ് ഐസക് നിയമസഭയില്‍ അവതരിപ്പിക്കുന്നു.

• റേഷന്‍ പദ്ധതി വിപുലീകരിക്കാന്‍ 300 കോടി രൂപ
• മാരക രോഗങ്ങള്‍ക്ക് സൗജന്യ ചികിത്സ
• ഒരു മാസത്തെ പെന്‍ഷന്‍ അഡ്വാന്‍സായി നല്‍കും
• ന്യൂനപക്ഷ വികസന കോര്‍പ്പറേഷന് 15 കോടി രൂപ. മുന്നോക്കവികസന കോര്‍പ്പറേഷന് 35 കോടി രൂപ
• ആദിവാസികള്‍ക്ക് ഒരേക്കര്‍ ഭൂമി വീതം നല്‍കാനായി 42 കോടി രൂപ.
• ഇതര സംസ്ഥാന തൊഴിലാളികള്‍ക്ക് ക്ഷേമപദ്ധതി.
• രണ്ട് വര്‍ഷത്തേയ്ക്ക് പുതിയ തസ്തികകള്‍ ഇല്ല
• റബര്‍ പ്രതിസന്ധിയും ഗള്‍ഫ് പ്രതിസന്ധിയും നേരിടാന്‍ 12,000 കോടി രൂപയുടെ സാമ്പത്തികമാന്ദ്യവിരുദ്ധ പാക്കേജ്.
• കെ.എസ്.എഫ്.ഇ വഴി പലിശ രഹിത വായ്പകള്‍ ലഭ്യമാക്കുും
• നെല്ല് സംഭരണത്തിന് 385 കോടി.
• സര്‍ക്കാരിന്റെ കൃഷിഫാമുകളിലും എസ്റ്റേറ്റുകളിലും തരിശുഭൂമികളിലും കൃഷിയിറക്കും.
• തൊഴിലുറപ്പ് തൊഴിലാളി കുടുംബങ്ങളെ സൗജന്യ റേഷന്‍ പദ്ധതിയില്‍ ഉള്‍പ്പെടുത്തും.
• നെല്‍പാടങ്ങള്‍ നികത്താനുള്ള നിയമഭേദഗതികള്‍ റദ്ദാക്കി. നെല്‍വയലുകള്‍ തരിശ്ശിടരുത്.
• ഇടുക്കിയിലും തൃശ്ശൂരിലും ചക്കപാര്‍ക്ക്‌
• തൃശ്ശൂര്‍ പാലക്കാട് മലപ്പുറം കോഴിക്കോട് ജില്ലകളില്‍ നാളികേര പാര്‍ക്കുകള്‍.
• കോട്ടയം പത്തനംതിട്ട ജില്ലകളില്‍ റബ്ബര്‍ പാര്‍ക്ക് തുടങ്ങിയവ കൊണ്ടു വരും.
• റബ്ബര്‍ വിലസ്ഥിരതാ പദ്ധതിക്ക് 500 കോടി.
• വിഴിഞ്ഞം പദ്ധതിയുടെ ഭാഗമായി കുടിയിറക്കപ്പെട്ടവരുടെ പുനരധിവാസം സര്‍ക്കാര്‍ ഏറ്റെടുത്തു.
• കയര്‍മേഖലയില്‍ ആധുനികവത്കരണം നടപ്പാക്കും. 262 കോടി രൂപയാണ് കയര്‍ മേഖലയ്ക്കായി ബജറ്റില്‍ മാറ്റിവച്ചത്.
• ഒന്ന് മുതല്‍ എട്ട് വരെ ക്ലാസ്സുകളിലെ വിദ്യാര്‍ത്ഥികള്‍ക്ക് സൗജന്യ യൂണിഫോം.
• ഓരോ മണ്ഡലത്തിലും ഒരു സ്‌കൂള്‍ അന്താരാഷ്ട്രനിലവാരത്തിലേക്ക് ഉയര്‍ത്തും.
• 5 വര്‍ഷത്തിനകം ആയിരം ഹൈടെക് സ്‌കൂളുകള്‍ നിര്‍മ്മിയ്ക്കും. ഈ പദ്ധതിക്കായി ആയിരം കോടി ഉപയോഗിയ്ക്കും.
• ഭിന്നശേഷിക്കാരായ അരലക്ഷത്തിലധികം കുട്ടികള്‍ക്ക് യൂണിഫോമിന് അഞ്ഞൂറുരൂപ, യാത്രാചിലവിന് ആയിരം രൂപ, പുസ്തകങ്ങള്‍ക്കും സ്റ്റേഷണറിയ്ക്കുമായി 250 എന്നിവ നല്‍കും