ഷാറൂഖ് ഖാനെ വിമാനത്താവളത്തില്‍ തടഞ്ഞു വച്ചു

0

ബോളിവുഡ് താരം ഷാരൂഖ് ഖാനെ ലോസ് ആഞ്ച് ലസ് വിമാനത്താവളത്തിൽ തടഞ്ഞുവെച്ചു. സുരക്ഷ പരിശോധനയുടെ ഭാഗമായാണ് താരത്തിന്റെ യാത്ര തടഞ്ഞത്. എമിഗ്രേഷൻ വിഭാഗം ഉദ്യോഗസ്ഥരാണ് പരിശോധനയുടെ പിന്നില്‍. ഷാറൂഖ് തന്നെയാണ് ഈ വിവരം ട്വിറ്ററിലൂടെ അറിയിച്ചത്.

“സുരക്ഷയുടെ ഭാഗമായ നടപടികളെ ബഹുമാനിക്കുന്നുണ്ട്. എന്നാൽ, യാത്ര തടസപ്പെടുത്തുന്ന വിധം തടഞ്ഞുവെക്കുന്നതിൽ കടുത്ത നിരാശയുണ്ട് ” എന്നാണ് ഷാറൂഖിന്റെ ട്വീറ്റ്.

മുമ്പ് 2009ലും 2012 യു.എസ് സന്ദർശനത്തിനിടെ ഷാരൂഖ് ഖാനെ ന്യൂ‍യോർക്ക് വിമാനത്താവളത്തിലെ എമിഗ്രേഷൻ ഉദ്യോഗസ്ഥർ രണ്ടു മണിക്കൂർ തടഞ്ഞുവെച്ചിരുന്നു. അന്ന് സംഭവം വംശീയമായ കാരണങ്ങളാലാണെന്ന് അന്ന് ആരോപണം ഉയർന്നിരുന്നു.

 

Comments

comments