15 ആം വയസ്സിൽ പീഡത്തിന്റെ ഇര, ഇന്ന് സ്റ്റണ്ട് വുമൻ

0

ഗീത ടണ്ടൻ വിവാഹം കഴിക്കുമ്പോൾ പ്രായം 15 വയസ്സ്. സ്‌നേഹം നിറഞ്ഞ ഭർത്താവിനെയും, സ്വന്തം മകളെ പോലെ തന്നെ കരുതുന്ന അമ്മായമ്മയെയും സ്വപ്‌നം കണ്ട് ചെന്ന ഗീതയെ കാത്തിരുന്നത് ഒരു മനുഷ്യനും സഹിക്കാനാകാത്ത പീഡനകാലങ്ങൾ. ഒടുവിൽ എല്ലാം ഇട്ടെറിഞ്ഞ് പോവുമ്പോൾ മനസ്സിൽ ലക്ഷ്യങ്ങൾ ഒന്നും ഉണ്ടായിരുന്നില്ല….സ്റ്റണ്ട് വുമൻ ആവാൻ ഉള്ള പരസ്യം കാണുന്നത് വരെ…!!

ലൈംഗീകതയെ കുറിച്ച് ഒന്നും അറിയാത്ത ആ പതിനഞ്ച് കാരിയെ സ്വന്തം ഭർത്താവ് പീഡിപ്പിച്ചത് ഒന്നല്ല പലതവണയാണ്. പീഡനം മാത്രമല്ല, ഗീതയുടെ തല ചുവരിൽ ഇടിപ്പിച്ച് പലതവണ ഇവരെ അബോഥാവസ്തയിൽ പോലും ആക്കിയിട്ടുണ്ട്. ഗീതയുടെ ദയനീയമായ കരച്ചിൽ പലതവണ ഭർതൃമാതാവ് കേട്ടിട്ടുണ്ടെങ്കിലും അവർ മകനെ പിന്തിരിപ്പിക്കുന്നതിന് പകരം ഗീതയെ പീഡിപ്പിക്കാൻ ഉപദേശിക്കുകയായിരുന്നു.

ഒടുവിൽ എല്ലാം ഇട്ടെറിഞ്ഞ് തന്റെ രണ്ട് മക്കളെയും കൂട്ടി ഗീത വീട് വിട്ട് ഇറങ്ങി. അപ്പോഴാണ് സിനിമയിലെ സ്റ്റണ്ട് വുമൻ ആവാനുള്ള പരസ്യം ഗീതയുടെ ശ്രദ്ധയിൽ പെടുന്നത്. ട്രെയിനിങ്ങ് ഒന്നും ഇല്ലാതെ തന്നെ സ്റ്റണ്ട് വുമൻ ആയി വേഷമിട്ടു ഇവർ . ആദ്യം നിരവധി പരിക്കുകൾ പറ്റിയെങ്കിലും, ഇന്ന് വർഷങ്ങൾക്ക് ശേഷം ബോളിവുഡിലെ അറിയപ്പെടുന്ന സ്റ്റണ്ട് വുമൻ ആണ് ഗീത. ഇന്ത്യയിലെ ആദ്യ വനിത ആക്ഷൻ ഡയറക്ടർ ആവാൻ ആണ് ഗീതയുടെ ആഗ്രഹം.

geetha, stunt woman, rape victim

Comments

comments