ബാരാമുള്ള ആക്രമണം; ജവാൻ കൊല്ലപ്പെട്ടു

0

ജമ്മുകാശ്മീരിലെ ബാരാമുള്ളയിൽ ഇന്നലെ സൈനിക ക്യാമ്പിനു നേരെയുണ്ടായ ആക്രമണത്തിൽ ഒരു ജവാൻ കൊല്ലപ്പെട്ടു. ഉത്തർപ്രദേശ് ഇട്ട സ്വദേശിയായ ബിഎസ്എഫ് ജവാൻ നിതിൻ ആണ് കൊല്ലപ്പെട്ടത്.

അതേ സമയം സൈനിക ക്യാമ്പിൽ ആക്രമിച്ച് കടക്കാൻ ശ്രമിച്ച എല്ലാ ഭീകരരും രക്ഷപ്പെട്ടതായി സുരക്ഷാസേന അറിയിച്ചു.
രണ്ട് ഭീകരരെ വധിച്ചെന്നായിരുന്നു രാത്രിയിൽ പുറത്തുവന്ന റിപ്പോർട്ടുകലെങ്കിലും എല്ലാവരും രക്ഷപ്പെട്ടതായാണ് സുരക്ഷാ സേന വ്യക്തമാക്കുന്നത്.

ആക്രമണത്തെ തുടന്ന് പ്രതിരോധമന്ത്രി മനോഹർ പരീക്കർ സേനാ മേധാവികളുടെ യോഗം വിളിച്ച് സ്ഥികൃഗതികൾ വിലയിരുത്തി. ഏത് ആക്രമണത്തിനും സൈന്യം തിരിച്ചടി നൽകുമെന്ന് ലേയിലെത്തിയ ആഭ്യന്തരമന്ത്രി രാജ്‌നാഥ് സിംഗ് വ്യക്തമാക്കി.

ജമ്മുകാശ്മീർ ബാരാമുള്ളയിലെ ജൻബസ്‌പോരയിൽ ഇന്നലെ രാത്ര പത്തരയ്ക്കാണ് റൈഫിൾസ് ക്യാമ്പിനുനേരെ ആക്രമണം നടന്നത്. ബിഎസ്എഫ് ജവാൻമാർ ഉണ്ടായിരുന്ന ബങ്കറിനു നേരെ അക്രമികൾ ഗ്രനേഡ് എറിയുകയും ചെയ്തിരുന്നു.

ഇതോടൊപ്പം ജമ്മുവിലെ പൂഞ്ചിലും പഞ്ചാബിലെ ഗുരുദാസ്പൂരിലും നുഴഞ്ഞുകയറ്റത്തിനുള്ള ശ്രമം നടന്നു. സൈന്യം ഈ നീക്കത്തെ ശക്തമായി പ്രതിരോധിച്ചതായും സേന വ്യക്തമാക്കി.

Baramulla Attack: 1 Security Personnel Dead, Terrorists Have Fled.

⇦ വാർത്തകൾ അറിയൂ ഫേസ്ബുക്കിലൂടെ!!! നിങ്ങളുടെ ഫേസ്ബുക്കിൽ Latest News updates ലഭിക്കുവാൻ 24 News ഒഫിഷ്യൽ ഫേസ്ബുക്ക് പേജ് like ചെയ്യുക.
youtube subcribe