കൊതിയൂറും വാനില കേക്ക് തയ്യാറാക്കൂ..!!!

കേക്ക് ഇഷ്ടമില്ലാത്തവരില്ല, രുചിയൂറും കേക്കുകൾ എപ്പോഴും വായിൽ വെള്ളം നിറയ്ക്കും. തയ്യാറാക്കൂ കൊതിയൂറും വാനില കേക്ക്.
ചേരുവകൾ

• മൈദ — 1/2 കപ്പ്
• ബേക്കിങ് പൗഡർ — 1 ടീസ്പൂൺ
• മുട്ട (വലുത്) — 2 എണ്ണം
• പഞ്ചസാര (പൊടിച്ചത്) — 1/2 കപ്പ്
• പാൽ — 1/4 കപ്പ്
• റിഫൈൻഡ് ഓയിൽ — 1/2 കപ്പ്
• വാനില എസ്സൻസ് — 1 ടീസ്പൂൺ

പാകം ചെയ്യുന്നവിധം

• മൈദയും ബേക്കിങ് പൗഡറും അരിക്കുക.
• വേറൊരു വലിയ പാത്രത്തിൽ മുട്ട രണ്ടും പൊട്ടിച്ചൊഴിച്ചു ബീറ്റ് ചെയ്യുക.
• ഇതിലേക്ക് പൊടിച്ച പഞ്ചസാര കുറേശ്ശ ചേർത്തുകൊടുത്ത് അടിക്കുക.
• ഇത് ഇരട്ടി വലിപ്പം ആകുമ്പോൾ എസ്സൻസും ഓയിലും ചേർത്തടിക്കുക.
• ബീറ്റിങ് നിറുത്തിയിട്ട് അരിച്ചുവച്ചിരിക്കുന്ന മൈദയും ബേക്കിങ് പൗഡറും ഇതിൽ ഫോൾഡ് ചെയ്യുക. പാലും ചേർത്തിളക്കുക. ഇത് ഒഴിക്കാവുന്നതിലും കുറച്ചുകൂടി അയവിൽ കിട്ടുന്നതിനാണ്.
• ബട്ടർ പുരട്ടി മയപ്പെടുത്തിയ മൈക്രോപ്രൂഫായിട്ടുള്ള ഒരു പാത്രത്തിലേക്ക് ഈ മിശ്രിതം ഒഴിച്ച് മേശയിൽവച്ച് ഒന്നു തട്ടിയശേഷം മൈക്രോവേവ് അവ്‌നിൽ ഹൈപവറിൽ 4 മിനിറ്റ് മൈക്രോവേവ് ചെയ്യുക.
• സ്റ്റാൻഡിങ് ടൈം 4 മിനിറ്റുകൂടി കൊടുക്കുക.
• വീണ്ടും 10 മിനിറ്റ് തണുപ്പിച്ചശേഷം ബേക്ക് ചെയ്ത പാത്രത്തിൽനിന്നും മാറ്റുക. നിങ്ങൾക് ഇഷ്ട്ടമുള്ള രീതിയിൽ ഐസിങ് ചെയ്ത് ഡെക്കറേറ്റ് ചെയ്യാം