കറാച്ചിയില്‍ ട്രെയിന്‍ അപകടം: 19 മരണം

കറാച്ചിയിലെ ലാൻഡി റെയിൽവേസ്​റ്റേഷനിൽ ട്രെയിനുകൾ കൂട്ടിമുട്ടി 19പേർ മരിച്ചു. 40ലധികം പേർക്ക്​ പരിക്കേറ്റിട്ടുണ്ട്. മുൾട്ടാനിൽ നിന്നു വരുന്ന സകരിയ എക്​സ്​പ്രസ്​ നിർത്തിയിട്ട ഫരീദ്​ എക്​സ്​പ്രസുമായി കൂട്ടിയിടിച്ചാണ്​ അപകടം ഉണ്ടായത്.  അബദ്ധത്തിൽ സകരിയ എക്​സ്​പ്രസിന്​ പച്ചക്കൊടി കാണിച്ചതാണ് അപകടം ഉണ്ടാക്കിയത്.

ഇടിയുടെ ആഘാതത്തിൽ ട്രെയിനുകളിലെ രണ്ടുബോഗികൾ തലകീഴായി മറിഞ്ഞു. അപകടത്തിൽ പെട്ടവ​രെ ബോഗികൾ പൊളിച്ചു മാറ്റിയാണ്​ രക്ഷപ്പെടുത്തിയത്​. പരിക്കേറ്റവ​രെ അടുത്തുള്ള ആശുപത്രികളിൽ പ്രവേശിപ്പിച്ചു. അപകടത്തിനു ശേഷം ഇതുവഴിയുള്ള ട്രെയിൻ ഗതാഗതം നിലച്ചരിക്കുകയാണ്.