നടിയെ ആക്രമിച്ച സംഭവം: മുഴുവന്‍ പ്രതികളേയും തിരിച്ചറിഞ്ഞു

കൊച്ചിയില്‍ സിനിമാനടിയെ തട്ടികൊണ്ട്​ പോയി ശാരീരികമായി ഉപദ്രവിച്ച കേസിൽ  മുഴുവൻ പ്രതികളെയും  തിരിച്ചറിഞ്ഞു. ക്വട്ടേഷൻ സംഘാംഗങ്ങളായ  മനു, ബിജീഷ്​, മണികണ്​ഠൻ, വടിവാൾ സലിം, പ്രദീപ്​ എന്നിവരെയാണ്​ തിരിച്ചറിഞ്ഞത്​. ഇക്കാര്യത്തിൽ ഒൗദ്യോഗിക പ്രഖ്യാപനം ഉടൻ ഉണ്ടാവുമെന്ന്​ പ്രത്യേക അന്വേഷണ സംഘം അറിയിച്ചു.

രണ്ട് പേരെ ഇന്നലെ അര്‍ദ്ധ രാത്രിയോടെ കോയമ്പത്തൂരില്‍ നിന്നാണ് അറസ്റ്റ് ചെയ്തത്. അതേസമയം ഇവര്‍ സഞ്ചരിച്ചിരുന്ന ടെമ്പോ ട്രാവലര്‍ തമ്മനം പുല്ലേപ്പടി ഭാഗത്ത് നിന്ന് കണ്ടെത്തിയിട്ടുണ്ട്. ഫോറന്‍സിക് വിഭാഗം ഇതില്‍ പരിശോധന നടത്തുകയാണ്.