വൻകിട അഴിമതി പരാതികൾ സ്വീകരിക്കില്ലെന്ന് വിജിലൻസ്

കേരളത്തിൽ വിജിലൻസ് രാജെന്ന് ഹൈക്കോടതി വിമർശനം ഏറ്റുവാങ്ങിയതിന് തൊട്ടുപിന്നാലെ വൻകിട അഴിമതി പരാതികൾ സ്വീകരിക്കില്ലെന്ന് വിജിലൻസ്. ഇക്കാര്യം വ്യക്തമാക്കി വിജിലൻസ് ഓഫീസിന് മുന്നിൽ നോട്ടീസ് പതിച്ചു. വിജിലൻസ് ഡയറക്ടർ ജേക്കബ് തോമസിന്റെ നിർദ്ദേശത്തെ തുടർന്നാണ് നടപടി.

അതേ സമയം രാവിലെ പതിച്ച നോട്ടീസ് ഉച്ചയോടെ നീക്കം ചെയ്തു. മാധ്യമ പ്രവർത്തകർ സ്ഥലത്തെത്തിയതിനെ തുടർന്നായിരുന്നു നോട്ടീസ് നീക്കം ചെയ്തത്.
എന്നാൽ അഴിമതിയ്്ക്ക് വൻകിട ചെറുകിട വ്യത്യാസമില്ലെന്ന് വിജിലൻസിന്റെ നീക്കത്തിനെതിരെ പ്രതിപക്ഷം പ്രതികരിച്ചു.