തിരുവനന്തപുരത്ത് മണ്ണിടിഞ്ഞു വീണ സംഭവം; മരിച്ചത് മൂന്ന് ബംഗാളി തൊഴിലാളികളും ഒരു മലയാളിയും
തിരുവനന്തപുരം പാങ്ങാപ്പാറയിൽ മണ്ണിടിഞ്ഞ് വീണുണ്ടായ അപകടത്തിൽ മരണം നാലായി. ബംഗാൾ സ്വദേശികളായ മൂന്ന് തൊഴിലാളികളും ഒരു മലയാളിയുമാണ് മരിച്ചത് .ഭോജ, ഹർനാഥ്, സഫൻ എന്നിരാണ് മരിച്ച ബംഗാളി സ്വദേശികൾ. മലയാളിയായ ഉണ്ണികൃഷ്ണനാണ് മരിച്ച നാലാമത്തെയാൾ.ഇയാൾ വട്ടപ്പാറ സ്വദേശിയാണ്. ശരീരഭാഗങ്ങൾ വേർപ്പെട്ട അവസ്ഥയിലാണ് ഉണ്ണികൃഷ്ണന്റെ മൃതദേഹം കണ്ടെത്തിയത്. മൃതദേഹങ്ങൾ മെഡിക്കൽ കോളേജ് ആശുപത്രിയിലേക്ക് മാറ്റി.
ഫ്ളാറ്റ് നിർമ്മാണത്തിനായി എടുത്ത കുഴിയിലേക്ക് മണ്ണിടിഞ്ഞ് വീണാണ് അപകടമുണ്ടായത്. കൂടുതൽ പേർ മണ്ണിൽ കുടുങ്ങിക്കിടക്കുന്നുവെന്നാണ് സംശയം. രക്ഷാപ്രവർത്തനം തുടരുകയാണ്. മരണസംഖ്യ ഉയരാൻ സാധ്യതയുണ്ട്. പരിക്കേറ്റ വേങ്ങോട് സ്വദേശി സുദര്ശനെ (45) മെഡിക്കല് കോളേജ് ആശുപത്രിയില് പ്രവേശിപ്പിച്ചു. സുദര്ശന് കാലില് പൊട്ടലുണ്ട്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here