ദിനകരന് കൂടുതൽ എംഎൽഎ മാരുടെ പിന്തുണ

എഐഎഡിഎംകെയിൽ വീണ്ടും പിളർർപ്പിന് സാധ്യത. കൈക്കൂലി കേസിൽ അറസ്റ്റിലായിരുന്ന ടിടിവി ദിനകരൻ തിരിച്ചെത്തിയതോടെയാണ് പ്രതിസന്ധി വീണ്ടും രൂക്ഷമാകുന്നത്. പാർട്ടിയിൽനിന്ന് ടി ടി വി ദിനകരന് കൂടുതൽ പേരുടെ പിന്തുണ ലഭിക്കുകയാണ്. മുൻമന്ത്രി സെന്തിൽ ബാലാജി ഉൾപ്പടെ 3 എംഎൽഎമാർകൂടി പിന്തുണ അറിയിച്ച് ദിനകരന്റെ വീട്ടിലെത്തി. ഇതോടെ ദിനകരനെ പിന്തുണയ്ക്കുന്ന എംഎൽഎമാരുടെ എണ്ണം 21 ആയി.