റിയാസ് മൗലവി കേസ്; പ്രതികളുടെ ലക്ഷ്യം സാമുദായിക കലാപം സൃഷ്ടിക്കൽ എന്ന് കുറ്റപത്രം
റിയാസ് മൗലവിയെ ആർ.എസ്.എസുകാർ വധിച്ച കേസിൽ സാമുദായിക കലാപം സൃഷ്ടിക്കുകയാണ് പ്രതികളുടെ ലക്ഷ്യമെന്ന് കുറ്റപത്രം. ചൂരി ഇസ്സത്തുൽ ഇസ്ലാം മദ്റസ അധ്യാപകൻ കുടക് എരുമാട് സ്വദേശി റിയാസ് മൗലവിയെ ആർ.എസ്.എസുകാർ വധിച്ച കേസിൽ അന്വേഷണസംഘം ഇന്നലെയാണ് കുറ്റപത്രം സമർപ്പിച്ചത്. പ്രതികൾക്കെതിരെ യു എ പി എ ചുമത്തണമെന്ന ആവശ്യം പോലീസ് നിരാകരിച്ചു. ഗൂഢാലോചന കുറ്റവും ചുമത്തിയിട്ടില്ല.
1000 പേജുള്ള കുറ്റപത്രമാണ് അന്വേഷണ സംഘം തലവൻ കണ്ണൂർ ക്രൈംബ്രാഞ്ച് എസ്.പി ഡോ. എ. ശ്രീനിവാസ് കാസർകോട് ജുഡീഷ്യൽ ഒന്നാംക്ലാസ് മജിസ്ട്രേറ്റ് മുമ്പാകെ ഇന്നലെ സമർപ്പിച്ചത്. കൊലപാതകം (വകുപ്പ് 302), പള്ളി കളങ്കപ്പെടുത്തൽ (വകുപ്പ് 295), വീട് അതിക്രമിച്ചുകടക്കൽ (വകുപ്പ് 449), കലാപം സൃഷ്ടിക്കൽ (വകുപ്പ് 153), തെളിവു നശിപ്പിക്കൽ (വകുപ്പ് 201), ആക്രമിക്കാൻ സംഘടിക്കൽ (വകുപ്പ് 34) എന്നിങ്ങനെ ആറുവകുപ്പുകളാണ് പ്രതികൾക്കെതിരെ ചുമത്തിയിരിക്കുന്നത്.
riyas moulavi case convicts aims at creating communal riots says charge sheet
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here