കൊല്ലത്ത് സദാചാര ഗുണ്ടായിസം, വീട്ടമ്മയെ വിവസ്ത്രയാക്കി മരത്തില്‍ കെട്ടിയിട്ടു

കൊല്ലം ചിതറയില്‍ സദാചാര ഗുണ്ടായിസം. വീട്ടമ്മയേയും മകന്റെ സുഹൃത്തിനേയും സംഘം മര്‍ദ്ദിച്ചു. വീട്ടമ്മയെ രണ്ട് മണിക്കൂറോളം മരത്തില്‍ കെട്ടിയിട്ട സംഘം വീട്ടമ്മയെ മര്‍ദ്ദിക്കുകയും വസ്ത്രങ്ങള്‍ വലിച്ച് കീറുകയും ചെയ്തു. ഈ ചിത്രങ്ങള്‍ വ്യാപകമായി പ്രചരിപ്പിക്കുന്നുവെന്നാണ് പരാതി. ജൂണ്‍ 12നാണ് സംഭവം നടന്നത്. നാട്ടുകാര്‍ പോലീസിനെ അറിയിച്ചതിനെ തുടര്‍ന്നാണ് സംഘം ഇവരെ മോചിപ്പിച്ചത്.

മനുഷ്യവകാശ കമ്മീഷനും, വനിതാ കമ്മീഷനും പരാതി നല്‍കിയിട്ടും അക്രമികള്‍ക്കെതിരെ പരാതി എടുത്തില്ലെന്ന് വീട്ടമ്മ പരാതിപ്പെടുന്നു.