സുനി അയച്ച കത്ത് എഴുതിയത് നിയമ വിദ്യാർത്ഥി

നടിയെ ആക്രമിച്ച കേസിലെ പ്രതി പൾസർ സുനി നടൻ ദിലീപിനയച്ചതായി പ്രചരിക്കുന്ന കത്ത് എഴുതിയത് നിയമ വിദ്യാർത്ഥിയെന്ന് പോലീസ്. സുനിയുടെ സഹ തടവുകാരനായ നിയമ വിദ്യാർത്ഥിയാണ് കത്തെഴുതിയത്.

അക്ഷരത്തെറ്റില്ലാതെ വിവരങ്ങൾ വ്യക്തമായി രേഖപ്പെടുത്താൻ വേണ്ടിയാണ് സഹതടവുകാരനായ നിയമവിദ്യാർത്ഥിയുടെ സഹായം തേടുകയായിരുന്നു സുനി. കത്തെഴുതിയതും ജയിലിന് പുറത്തുള്ള വിഷ്ണുവിന് കത്ത് എത്തിച്ച് നൽകിയതും ഈ നിയമവിദ്യാർത്ഥിയാണ്.

സിനിമയിലെ പ്രമുഖർ തന്നെ കൈവിടില്ലെന്നും തനിക്ക് അവരിൽനിന്ന് സഹായം ലഭിക്കുമെന്ന് തന്നെയാണ് കരുതുന്നതെന്നും സുനി ജയിലിലെ സഹതടവുകാരനോട് പറഞ്ഞിരുന്നതായും റിപ്പോർട്ടുണ്ട്.