ജില്ലാ വിദ്യാഭ്യാസ ഓഫീസിന്റെ വെബ്സൈറ്റ് തുറക്കാൻ ശ്രമിച്ചാൽ പോകുന്നത് അശ്ലീല സൈറ്റിലേക്ക് !!
ജില്ലാ വിദ്യാഭ്യാസ ഓഫീസിന്റെ വെബ്സൈറ്റ് തുറക്കാൻ ശ്രമിച്ചാൽ പോകുന്നത് അശ്ലീല വെബ്സൈറ്റിലേക്ക്. പൊതു വിദ്യാഭ്യാസ വകുപ്പിലെ വിവിധ അറിയിപ്പുകളും സേവനങ്ങളും ലഭ്യമാക്കുന്നതിന് വേണ്ടി ആരംഭിച്ച www.deokothamangalam.in എന്ന വെബ്സൈറ്റാണ് ഹാക്ക് ചെയ്തിരിക്കുന്നത്. ഈ വെബ്സൈറ്റ് സന്ദർശിക്കുമ്പോഴാണ് അശ്ലീല വെബ്സൈറ്റിലേക്ക് റീഡയറക്ട് ചെയ്യപ്പെടുന്നത്.
ഈ സൈറ്റുകളിൽ നിന്നും അയക്കുന്ന മെസ്സേജുകളിലും മറ്റും അശ്ലീല ചിത്രങ്ങളുടെ ലിങ്ക് വരുന്നതായും ആരോപണമുണ്ട്. 54 സ്കൂളുകളും മറ്റ് നിരവധി കീഴ് കാര്യാലയങ്ങളും അധ്യാപകരും വിദ്യാർത്ഥികളും ഉപയോഗിക്കുന്ന സൈറ്റിൽ ആണ് ഈ അവസ്ഥയുള്ളത്.
എന്നാൽ, ഇത് ജില്ലാ വിദ്യാഭ്യാസ വകുപ്പിന്റെ കലാഹരണപ്പെട്ട വെബ്സൈറ്റാണെന്നും ആരോ ഇത് ദുർവിനിയോഗം ചെയ്തതാണെന്നും ബന്ധപ്പെട്ട വകുപ്പ് അറിയിച്ചു. സംഭവത്തിൽ വിദ്യാഭ്യാസ ഓഫിസിലേക്ക് കെഎസ്യുവിന്റെ നേതൃത്വത്തിൽ വിദ്യാർത്ഥികൾ മാർച്ച് നടത്തി.
district educational office website hacked
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here