Advertisement

മോഷണക്കുറ്റം ആരോപിച്ച് പെണ്‍കുട്ടിയെ സഹപാഠികള്‍ വിവസ്ത്രയാക്കി മര്‍ദ്ദിച്ചു

August 9, 2017
Google News 1 minute Read
girl attacked

ആ​ദി​വാ​സി പെ​ണ്‍​കു​ട്ടി​യെ മോ​ഷ​ണ​ക്കു​റ്റം ആരോപിച്ച് വി​ദ്യാ​ർ​ഥി​നി​ക​ൾ വി​വ​സ്ത്ര​യാ​ക്കി മ​ർ​ദ്ദി​ച്ചു. ജാര്‍ഗണ്ഡിലെ ദും​ക​യി​ലെ വ​നി​താ കോ​ള​ജി​ലാണ് സംഭവം..  ആക്രമിച്ച വിദ്യാര്‍ത്ഥികള്‍ ഈ നഗ്ന ദൃ​ശ്യ​ങ്ങ​ൾ പ​ക​ർ​ത്തി സോഷ്യൽ മീഡിയയിൽ പ്രചരിപ്പിക്കുകയും ചെയ്തു. കുട്ടി മൊബൈല്‍ മോഷ്ടിച്ചു എന്നാരോപിച്ചായിരുന്നു മര്‍ദ്ദനം. ഓ​ഗ​സ്റ്റ് നാ​ലി​നാണ് സംഭവം നടന്നത്. സോഷ്യല്‍ മീഡിയയില്‍ ദൃശ്യങ്ങള്‍ പ്രചരിച്ചതിനെ തുടര്‍ന്നാണ് സംഭവം പുറംലോകം അറിഞ്ഞത്. എന്നാല്‍ പരാതി നല്‍കിയെങ്കിലും പോലീസ് കേസ് എടുക്കാന്‍ തയ്യാറായില്ലെന്ന് ആക്ഷേപം ഉണ്ട്.

സോഷ്യൽ മീഡിയയിൽ ദൃശ്യങ്ങൽ പ്രചരിച്ചതോടെ  പെൺകുട്ടിയോടൊപ്പം പിതാവും  ജീ​വ​നൊ​ടു​ക്കു​മെ​ന്ന് ഭീ​ഷ​ണി മു​ഴ​ക്കി​. സംഭവത്തിന് ശേഷം ജോലിക്ക് പോകാൻ പോലും സാധിക്കുന്നില്ലെന്നും അച്ഛൻ പറയുന്നു.

മോഷ്ടിച്ചെന്ന ആരോപണം പെൺകുട്ടി  നി​ഷേ​ധി​ച്ചി​ട്ടു​ണ്ട്. തന്റെ കൈയിലുണ്ടായിരുന്ന അഞ്ഞൂറ് രൂപയ്ക്ക് വാങ്ങിയ സെക്കൻഡ് ഹാന്ഡ് മൊബൈൽ ഫോൺ കണ്ട് തെറ്റിദ്ധരിച്ചാണ് അവർ തന്നോട് ഇങ്ങനെ ചെയ്തതെന്നും സംഭവത്തിന് ശേഷം ഹോസറ്റലിൽ വിദ്യാർഥികൾ സംഘം ചേർന്ന് 18,600 രൂപ പിഴയടക്കാൻ ആവശ്യപ്പെട്ടതായും പെൺകുട്ടി മൊഴി നൽകിയിട്ടുണ്ട്.

girl attacked

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here