സന്നിധാനത്ത് മനീതി സംഘത്തെ തടഞ്ഞ കേസിലെ പ്രതിക്ക് ശബരിമല ദർശനത്തിന് കോടതിയുടെ അനുമതി

ശബരിമലയിൽ മനീതി സംഘത്തെ തടഞ്ഞ കേസിലെ രണ്ടാം പ്രതിക്ക് ദർശനത്തിന് കോടതിയുടെ അനുമതി. ക്രിമിനൽ കേസിൽ പ്രതിയായതുകൊണ്ട് വിശ്വാസിയുടെ ആരാധനക്കുള്ള അവകാശം തടയാനാവില്ലന്ന് ചൂണ്ടിക്കാട്ടിയാണ് ഹൈക്കോടതി ദർശനത്തിനായി അനുമതി നൽകിയത്. തിരുവനന്തപുരം പേരൂർക്കട സ്വദേശി രമേഷിനാണ് കോടതിയുടെ അനുമതി.

സുരക്ഷാ ചുമതലയുള്ള സ്‌പെഷ്യൽ പൊലീസ് ഓഫീസർമാരെ സന്ദർശനം അറിയിക്കണമെന്നും ഹർജിക്കാരന്റെ നീക്കങ്ങൾ പൊലീസ് കർശനമായി നിരീക്ഷിക്കണമെന്ന് കോടതി പറഞ്ഞിട്ടുണ്ട്.
മറ്റു കുറ്റകൃത്യങ്ങളിൽ ഏർപ്പെടരുതെന്നും കോടതി നിർദേശിച്ചു. ആറ് കേസുകളിൽ പ്രതിയാണ് രമേശ്