ബിജെപി സെക്രട്ടറിയേറ്റ് പടിക്കല്‍ നടത്തുന്ന നിരാഹാര സമരം ഇന്ന് അവസാനിപ്പിക്കും

ശബരിമല യുവതീ പ്രവേശന വിഷയത്തില്‍ ബിജെപി നടത്തുന്ന സെക്രട്ടറിയേറ്റ് പടിക്കലെ നിരാഹാര സമരം ഇന്ന് അവസാനിപ്പിക്കും. 48 ദിവസം നീണ്ടുനിന്ന സമരത്തിനാണ് ഇതോടെ അവസാനമാകുന്നത്. ഇന്ന് രാവിലെ 10.30 നാണ് സമരം അവസാനിപ്പിക്കുക. അതേസമയം, ശബരിമല വിഷയത്തില്‍ സമരവുമായി മുന്നോട്ട് പോകാനാണ് ബിജെപി തീരുമാനം. ഏത് തരത്തിലുള്ള സമരവുമായി മുന്നോട്ട് പോകണമെന്ന് ഉടന്‍ തീരുമാനിക്കും. സംസ്ഥാന സര്‍ക്കാരിനെതിരെ പ്രതിഷേധമുയര്‍ത്തുന്നതില്‍ നിന്ന് ബിജെപി പിന്‍വാങ്ങില്ലെന്നാണ് സംസ്ഥാന അധ്യക്ഷനും വൃക്തമാക്കിയത്.