മേഘാലയ ഖനി അപകടം; രക്ഷാപ്രവർത്തനങ്ങൾ തുടരാൻ സുപ്രീം കോടതിയുടെ നിർദ്ദേശം

മേഘാലയിലെ ഖനിയിൽ കുടുങ്ങിയ തൊഴിലാളികളെ പുറത്തെത്തിക്കാനുള്ള രക്ഷാപ്രവർത്തനങ്ങൾ തുടരാൻ സുപ്രീം കോടതിയുടെ നിർദേശം. ഇതു സംബന്ധിച്ച നിർദേശം മേഘാലയ സർക്കാറിനും കേന്ദ്ര സർക്കാറിനും കൈമാറി. 38 ദിവസങ്ങൾക്ക് മുമ്പ് ഖനിയിൽ കുടുങ്ങിയ 15തൊഴിലാളികളും മരിച്ചിരിക്കാമെന്ന് മേഘാലയ സർക്കാർ സുപ്രീം കോടതിയെ അറിയിച്ചിരുന്നു.കഴിഞ്ഞ ദിവസം ഖനിയിൽ കണ്ടെത്തിയ തൊഴിലാളിയുടെ മൃതദേഹം ഇതു വരെ പുറത്തെത്തിക്കാൻ രക്ഷാ പ്രവർത്തകർക്ക് കഴിഞ്ഞില്ല. മൃതദേഹം പുറത്തെത്തിക്കാനുള്ള ദൗത്യം ദുഷ്ക്കരമാണെന്ന് മേഘാലയ സർക്കാർ കോടതിയെ അറിയിച്ചിരുന്നു