കെ കെ ശിവരാമനെ ഇടുക്കി എല്ഡിഎഫ് ജില്ലാ കണ്വീനര് സ്ഥാനത്തു നിന്ന് നീക്കി
![KK Sivaraman was removed from the post of Idukki LDF District Convener](https://www.twentyfournews.com/wp-content/uploads/2024/07/sivaraman.jpg?x47386)
കെ കെ ശിവരാമന് ഉള്പ്പെടെ സംസ്ഥാനത്തെ 3 എല്ഡിഎഫ് ജില്ലാ കണ്വീനര്മാരെ മാറ്റി സിപിഐ സംസ്ഥാന എക്സിക്യൂട്ടീവ് തീരുമാനം. സിപിഐ ജില്ലാ സെക്രട്ടറിമാര് തന്നെ കണ്വീനര് സ്ഥാനം വഹിക്കണമെന്ന നിര്ദ്ദേശത്തെ തുടര്ന്നാണ് നടപടി. എന്നാല് കെ കെ ശിവരാമനെ കണ്വീനര് സ്ഥാനത്തുനിന്ന് മാറ്റിയതില് ഇടുക്കി ജില്ലാ നേതൃത്വത്തിന്റെ ഇടപെടല് ഉണ്ട്. ( KK Sivaraman was removed from the post of Idukki LDF District Convener)
സംസ്ഥാനത്ത് സിപിഐ, എല്ഡിഎഫ് കണ്വീനര്മാരുടെ ചുമതല വഹിക്കുന്നത് കൊല്ലം,പാലക്കാട്,ഇടുക്കി ജില്ലകളിലാണ്. ഈ മൂന്ന് ഇടങ്ങളിലെ ആളുകളെ മാറ്റാനാണ് സിപിഐ സംസ്ഥാന എക്സിക്യൂട്ടീവില് തീരുമാനമായത്. ഇടുക്കിയിലെ ഭൂപ്രശ്നങ്ങളില് സംസ്ഥാന സര്ക്കാരിനും സിപിഐഎമ്മിനും എതിരായ കെ കെ ശിവരാമന്റെ ഫേസ്ബുക്ക് പോസ്റ്റ് വിവാദമായിരുന്നു. ഇതില് സി പി ഐ സംസ്ഥാന നേതൃത്വം വിശദീകരണം ആവശ്യപ്പെടുകയും ചെയ്തതാണ്.
Read Also: യുഎസ് പ്രസിഡൻ്റ് തെരഞ്ഞെടുപ്പ്: സ്ഥാനാർഥിത്വത്തിൽനിന്ന് പിന്മാറി ജോ ബൈഡൻ; കമല ഹാരിസിനെ നിർദേശിച്ചു
സിപിഐ ഇടുക്കി ജില്ലാ നേതൃത്വത്തിലെ ചിലരും കെ കെ ശിവരാമനുമായും തമ്മില് ആസ്വാരസ്ത്യങ്ങള് ഉണ്ടായിരുന്നു. ഇതിന്റെ അടിസ്ഥാനത്തില് കൂടിയാണ് ഒടുവില് ചേര്ന്ന സിപിഐ സംസ്ഥാന എക്സിക്യൂട്ടീവില് പ്രശ്നം ചര്ച്ച ചെയ്തത്. ശിവരാമനെ മാത്രം മാറ്റുന്നത് വിവാദമുണ്ടാക്കും എന്ന അഭിപ്രായത്തിലാണ് മറ്റു രണ്ടിടങ്ങളിലെയും ആളുകളെ കണ്വീനര് സ്ഥാനത്തുനിന്ന് മാറ്റിയത്. ആരോഗ്യ പ്രശ്നങ്ങളെ തുടര്ന്നാണ് കൊല്ലം ജില്ലാ സെക്രട്ടറിയെ മാറ്റിയത് എന്നാണ് വിശദീകരണം.
Story Highlights : KK Sivaraman was removed from the post of Idukki LDF District Convener
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here